O Peque Coro


Este é o blogue para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental e Profesional do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blogue: a ilusionada directora, Catuxa Pita.

lunes, 13 de mayo de 2013

Parabéns polos "Cantos da terra, do ceo, do mar"


Este pasado sábado recibimos a visita dos amigos do Coro Infantil de Lugo. Un coro que conta con tres anos; os mesmos que nós!. E co que nos gusta compartir escenario. 

Os nosos amigos visitantes abriron o concerto cun repertorio bonito e moi interesante, no que ademáis presentaban unha coidada posta en escea e vistosas coreografías.Noraboa ó coro, á súa directora (Henar) e ó seu pianista (Nacho), e ós alumn@s de acordeón que interpretaron moi ben Catro vellos mariñeiros.

Continuamos os anfitrións cos cantos á terra, o ceo, e ó mar...O Himno á Noite sempre cautiva. A Alborada é moi aplaudida polo público: o "lara lala" final con carácter de marcha arrinca a ovación. Rosa de Abril provocaría tenrura ó mesmo Gaos, ó escoitalo por un coro de nenos. O care selve: fantástico!. E o meu aplauso para os pequecoristas polo esforzo destes últimos ensaios polo Caresse sur l'océan. Noraboa, pequecoristas!

O momento máis divertido chegou cando nos xuntamos os dous coros para cantar Mi Capitán.  Para o próximo curso haberá que repetir este intercambio!

1 comentario:

  1. Hola Catuxa soy Andrea y queria preguntarte si vas a colgar un video con las caniones nos vemos este Viernes chao.Jajajajajaja.

    ResponderEliminar