O Peque Coro


Este é o blog para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blog: a ilusionada directora, Catuxa Pita.

sábado, 19 de mayo de 2012

O canto do cisne


A pesares de que un cisne non canta, existía un antigo mito que dicía que un cisne cando está a piques de morrer, emite un belísimo canto. Con esta idea triste e poética á vez, tamén referímonos á última obra dun artista. 

Onte, coma os cisnes das lendas, emitía o seu último canto unha das voces máis admiradas deste século: o barítono Dietrich Fischer-Dieskau (Berlín 1925-18 de Maio de 2012). Embelesaba especialmente as súas interpretacións de lieder (poemas alemáns con acompañamento pianístico).

Coma mostra da súa arte, este lied de Schubert adicada á Música, acompañado ó piano doutro intéprete excepcional Gerald Moore.

Ti adorable arte, a miúdo nas horas escuras
cando a salvaxe órbita da vida me envolve
acendiches o meu corazón ó cálido amor,
e transportáchesme a un mundo mellor.

A cotío un sospiro, escapándose do teu corazón,
unha doce e bendecida harmonía túa
un ceo de épocas mellores abriuse.
Oh, Arte encantadora, por iso agradézote!



E coma despedida, a fermosísima Serenata do ciclo de lieder de Schubert Schwanengesang (O canto do cisne) . De novo, Fischer Dieskau con Gerald Moore: unha sublime interpretación.



No hay comentarios:

Publicar un comentario