O Peque Coro


Este é o blog para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blog: a ilusionada directora, Catuxa Pita.

viernes, 11 de mayo de 2012

Compañeira


Compañeira é unha canción de Fuxan os Ventos, un grupo de música folk e música popular galega que naceu no ano 1972. Dende ese ano deron a coñecer un repertorio moi amplio e rico de música tradicional galega, convertíndose nun grupo fundamental na dignificación do idioma e da cultura galega. No ano 1976 publican o seu disco Fuxan os Ventos. Nel aparece Compañeira, con música e letra creada por eles.

No seguinte vídeo escoitaredes a Compañeira de Fuxan os Ventos



A versión que nos cantamos é un arranxo de Julio Domínguez, quen dirixe a este coro de mulleres na súa versión para dúas voces a capella (sen acompañamento instrumental).



Os nosos amigos do Coro Infantil do Cmus de Lugo cantan moi ben esta obra. Nun futuro concerto sería moi bonito compartir esceario cantando xuntos a Compañeira.

2 comentarios:

  1. Parabéns pola versión do pequecoro, é unha ledicia escoitalo. Parabéns á súa directora, á súa pianista, pero sobre todo aos pais, por ter a sorte de que os nosos fillos poidan cantar ao lado delas.

    ResponderEliminar
    Respuestas
    1. Moitas grazas. Tod@s disfrutamos co Peque Coro (e no Peque Coro). Palabras coma as que nos adicas contribúen máis a que @s pequecoristas síntanse valorad@s, respetad@s, e querid@s. E nese ambiente podemos compartir cantos con maior satisfacción.

      Eliminar