O Peque Coro


Este é o blog para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blog: a ilusionada directora, Catuxa Pita.

sábado, 18 de febrero de 2012

On suuri sun rantas autius













No ensaio desta mañá descubrimos unha peza moi tenra, tanto na súa letra coma na súa música.

Eu coñecín On suuri hai un tempo e tíñaa reservada para o momento oportuno de poder adicarnos a esta obra. A nosa versión é unha adaptación a dúas voces que fixemos a partir da harmonizada por Matti Hyökki (director coral finlandés). O momento chegou, e ademáis nunha ocasión perfecta.

On suuri é unha canción tradicional finlandesa. E este curso no noso conservatorio teremos a visita dos nosos colegas finlandeses cos que formamos parte dun proxecto de intercambio de Comenius. Queremos adicarlles esta marabilla na súa visita.

Esta melodía delicada cóntanos os recordos dunha moza:

É grande a soidade das túas ribeiras.
Sinto morriña 
do lamento do parruliño silvestre 
que resoaba entre os xuncos pola tardiña.

Un parrulo soíño e perdido, 
un parrulo chorando de frío
que daba voltas entre os xuncos
sen atopar á súa nai.

As túas ondas grises 
observei con ollos chorosos: 
foi nas túas costas onde a miña mocidade 
derramou as primeira bágoas.

A imaxe permanece gravada no máis profundo
e aínda agora síntoa con añoranza,
escoitando moitas noites 
o canto do parrulo naquel lugar.

Pequecoristas, eiquí o On suuri  polo Coro de Nenos de Washington.
Pechade os ollos... e imaxinade ó pobre parruliño...ata escoitaredes o seu triste e fermoso canto.



4 comentarios:

  1. Me encanta es muy tierna

    ResponderEliminar
    Respuestas
    1. A canción é emocionante e a interpretación dos coro de Nenos de Washington é fantástica. Grazas polas teus comentarios

      Eliminar
  2. Es impresionante escuchar esta canción

    ResponderEliminar
  3. es preciosa . no preciosisisima

    ResponderEliminar