A amizade é unha igualdade harmoniosa



"A amizade é unha igualdade harmoniosa" é unha frase do matemático e filósofo grego Pitágoras de Samos (582 a.C.-507 a.C.) coa que quero facervos pensar sobre a igualdade.

Nestes días próximos ó Día Escolar pola Paz as palabras igualdade, respeto, tolerancia, xustiza...aínda están máis presentes no noso conservatorio.

Este pasado mércores o Departamento de Corda Pulsada e o Equipo de Dinamización da Língua Galega organizaron un acto adicado á asociación ASPANAES (Asociación de Pais de Nenos Autistas e Psicóticos) . Un proxecto marabilloso no que ademáis de participar @s nos@s alumn@s ofrecendo un pequeno concerto ós nenos e nenas , puidemos ver a curtametraxe A nena que tiña unha soa orella de Rubén Coca. 

Unha curta baseada no libro de Lucía Etxberría "La fantástica niña pequeña y la ciguëña pedigüeña". Unha historia para aceptar as nosas diferenzas. Ademáis da bonita historia, da chulísima animación, a tod@s gustóunos moito a banda sonora.
Para aqueles que non puidéchedes asistir, déixovos o trailer que promocionou A nena que tiña unha soa orella, e así teredes unha idea.


Ademáis de recomendar esta curta, quero falarvos dunha obra en relación coa aceptación das diferenzas: Can you hear me? de Bob Chilcott. O protagonista desta canción é un neno xordo que nos fala de como é o seu mundo. Un mundo onde lle gusta estar, un mundo onde hai moito que facer, un mundo onde hai moito que dicir...O seu mundo é silencioso mais el escóitanos a través do movemento das nosas mans. Gustaríalle escoitarnos cantar, escoitar as nosas voces.

O movemento das mans é o que fai libre a este neno. Así que o compositor inclúe na partitura desta canción  a linguaxe de signos. Can you hear me? Podes oírme?





Comentarios

Publicar un comentario

Publicacións populares deste blog

Peque Coro in crescendo: descubrindo ao invasor

Imaxe
Hoxe, no día de Santa Icía, a patrona dos músicos, queremos lembrar a mañá na que nos erguemos e descubrimos ao invasor.  Os mozos e mozas do Peque Coro in crescendo cantaban Bella Ciao, un canto tradicional italiano asociado á resistencia antifascista. Sen pretender banalizar co Bella Ciao , xa que o tema merece sempre un profundo respeto e necesidade de recoñecemento histórico para que non volte a avergoñar a ningunha xeración, quixemos cantalo co dobre sentido que as circunstancias esixían, e desgraciadamente, seguen a esixir. Unha loita contra un inimigo, mais invisible: o COVID.  
Ler máis

Peque Coro no 25N

Imaxe
  Despois de dous cursos de obrigado parón, retomamos a actividade coral que tanto estabamos desexando recuperar...os nenos, nenas, mozos, mozas e por suposto, a pianista e maila directora. Aínda teremos que agardar para poder anunciar un concerto, pero queremos compartir nesta primeira publicación deste curso as nosas fotos para o 25N: O Xan Viaño, espazo libre de violencia machista. Velaí as nosas fotos e tamén o vídeo realizado polo Equipo de Dinamización da Convivencia do Cmus Xan Viaño. No seguinte enlace, podedes visitir a publicación no blogue En todas as claves do Equipo de Dinamización de Convivencia: O Cmus Xan Viaño. Espazo Libre de Violencia Machista.
Ler máis

Noraboa por "Tócaa outra vez, Xan"!

Imaxe
O Peque Coro acadou o primeiro posto no concurso "Tócaa outra vez, Xan" organizada pola ANPA do noso conservatorio. Noraboa a tódol@s pequecoristas e o resto dos participantes que convertiron o concurso nun éxito de participación. Cando decidín inscribir ó Peque Coro no concurso pensei en colaborar coa ANPA, que tanto nos axuda. Non era consciente da ilusión que tiñan posta @s pequecoristas: a miña intención era acudir cun repertorio que nos gusta moito, coa mesma ilusión que preparamos cada obra e cada concerto: nin máis, nin menos. Sen embargo, para @s pequecoristas foi algo máis. E só decateime cando entraron na miña aula (mentres eu seguía as miñas clases de Linguaxe), e cunha explosión de ledicia inmensa traen a noticia de que o Peque Coro foi escollido para o primeiro posto. Despois de esas caras tan contentas, eses saltos de xúbilo...mereceu a pena presentalos ó concurso. En outros concertos, para mín, xa saían victoriosos cun bo concerto cheo de emocións. Mais ...
Ler máis