O Peque Coro

Este sábado pasado viaxamos a Lugo para cantar no auditorio do Conservatorio de Lugo. Disfrutamos moitísimo compartindo esceario cos nosos amigos do Coro Infantil de Lugo, cos que intepretabamos conxuntamente Mi capitán de Josu Elberdin. Cantamos nesta obra: "surcando os mares en mil tempestades"... @s coralistas combatían valentemente a friaxe ofrecendo un cálido concerto. @s pequecoristas xa non se deixan atemorizar por novos escearios. Para @s veteran@s non era un espazo novo. Que dominio da escea...!. Mágoa que algunhas das nosas pequecoristas estiveran maliñas.  Parabéns ós amigos do Coro Infantil e á súa directora, Henar, que dirixiu enérxica e alegremente o Capitán!.  Que concentrad@s estaban @s pequecoristas! Dende as butacas, a pianista e a directora disfrutamos moito escoitando esta obra. Parabéns, querid@s pequecoristas!

Este sábado compartiremos de novo esceario cos nosos amigos do Coro Infantil de Lugo no seu conservatorio. Preparamos con moita ilusión este encontro coral.  Será bonito volver a cantar os dous coros xuntos!

Hoxe, Día Escolar pola Paz, sona en tódolos recunchos unha versión, na súa mínima expresión, da Oda á Alegría . Sería marabilloso que vivísemos no santuario da Alegría, onde tódolos homes serán irmáns. E para recodar o Himno da Alegría , este vídeo no que comprobamos que a furia nunca vencerá sobre a harmonía:

Por fin comezamos nos nosos ensaios coa divertida obra de Josu Elberdin "Capitán, mi capitán", que cantaremos xuntos cos nosos amigos do Coro Infantil de Lugo. Que boa idea tivo Henar!. Encantoume esta obra dende o primiero momento que a escoitei. A interpretación destes coros en Estonia é fenomenal, que, ademáis do mérito dos bos cantantes, contan cun gran director: Basilio Astúlez. O autor, Josu Elberdin, ten esta obra en castelán, euskera e inglés. Como apreciaredes non cantan en castelán, mais nos sabemos de que trata a obra e cos seus acenos, non cabe dúbida do que acontece.

Se queredes disfrutar aínda máis cantando, debedes matricularvos no curso que dará Basilio Astúlez no noso conservatorio. Pasaremos tres días fantásticos. Neste curso pódense matricular profes, alumn@s de Grao Profesional e alumn@s de Grao Elemental, especialmente recomendado para @s pequecoristas. Eu xa estou matriculada, e ti?

En moitas ocasións non somos conscientes dos tesouros que temos: os nosos instrumentos. Comezamos os nosos estudos no conservatorio e poñen nas nosas mans un fermoso instrumento. Fermoso o seu son, fermosa a súa apariencia. Uns teñen preciosas madeiras, outros metais cun brillo case máxico, un verniz chispeante. Mais neste mundo non todos contan coa mesma fortuna. Nunha localidade de Paraguai, sumida na pobreza, existe unha orquestra que toca con instrumentos feitos con lixo. Esta orquestra causa admiración polo seu inxenio, pola súa tenacidade nunhas condicións que non deberían existir para ningún humano, e menos, para nen@s. Velaí un fragmento do documental que trata desta orquestra, a Landfill Harmonic

Que o 2013 siga cargado de ilusións e marabillosos momentos musicais para tódol@s pequecoristas e as súas familias.